mandag 19. desember 2011

God bok: When rain clouds gather

Førre veke var vi på safari i Botswana, og då kom eg på at eg hadde tenkt å anbefale ei bok frå dette tørre, tørre landet.


Då karavanen kjørte gjennom Botswana for nokre veker sidan, satt eg i bussen og las boka "When rain clouds gather" av Bessie Head.

torsdag 15. desember 2011

The beer behind our boys

Gutta har ferie.


* "The beer behind our boys" er slagordet til Castle Lager, som sponsar Sør-Afrikas fotball-landslag. Idrett og alkohol, hand i hand. 

onsdag 7. desember 2011

Klimakaravanen - the movie



Ein film med smakebitar frå reisa frå Nairobi til Durban.

torsdag 1. desember 2011

Adventsstemning










I dag er det 1.desember, og eg har på ingen måte julestemning. Så då kan ein liksågodt ta seg ein tur på stranda i Durban istaden, slik Silje og eg gjorde i går. God advent!

tirsdag 29. november 2011

Framme ved målet

Så var eg, og resten av karavanengjengen, endeleg framme i Durban. Etter 18 dagar på vegen gjennom seks land. Ei fantastisk reise, som eg håper å få lagt ut nokre bilder frå etterkvart. Akkurat no er vi alle opptekne med klimatoppmøtet som starta i Durban i går.


Dagen før klimatoppmøtet starta, var Herr Kobbeltvedt med på å arrangere ei stor stadiomarkering der religiøse leiarar frå heile Afrika, og Norge, saman krevde ei rettferdig klimaavtale. Desmond Tutu overleverte 200.000 underskrifter frå "We have faith - Act now for climate justice"-kampanjen til presidenten for COP17, klimaforhandlingane.

onsdag 16. november 2011

I Zambia, på veg til Durban


Ei lita helsing frå Lusaka, hovudstaden i Zambia. Det er travle dagar på karavanetur, ikkje berre fordi vi er med på mange konsertar og stunts, men også fordi vi køyrer så langt. Mange dagar har vi stått opp i fire-fem tida for så å køyre heile dagen til neste by. Eg rekk difor ikkje å blogge noko særleg, men Kirkens Nødhjelp legg ut bilder og artiklar eg skriv på sine heimesider. Les dei her!

tirsdag 8. november 2011

Store fjell og store draumar

Når eg skriv dette, køyrer vi inn i Dar es Salaam i kveldsrushet. Vi har vore på vegen heile dagen. Vi stod opp kl 3 i natt, og satte oss i bussane litt før seks. I morgontimane passerte vi Kilimanjaro - for eit fjell. Vi stoppa i vegkanten, og fekk sjå ein fjelltopp med snø på. Eit snødekke som blir mindre og mindre kvart år på grunn av klimaendringane.


søndag 6. november 2011

Vi er i gong!


Eit lite glimt frå dagens lanseringskonsert i Nairobi. I morgo startar turen mot Durban (i seks store safaribussar), og neste stopp er Dar es Salaam.

torsdag 3. november 2011

Den store reisa

Eg har tidlegare klaga over at Herr Kobbeltvedt får reist mykje meir enn meg. Det skal eg ikkje gjere meir. For i morgo reiser eg til Kenya for å vere med på ei reise gjennom Kenya, Tanzania, Malawi, Zambia og Botswana til Sør-Afrika. Saman med 160 ungdommar frå Afrika og Noreg, skal eg vere med på ei klimakaravane som skal gå frå Nairobi til Durban.



tirsdag 1. november 2011

Ein mann for sin hatt

Etter å ha sett bilete av sin son i Kalk Bay, sendte Herr Kobbeltvedt senior, Josteins far, denne mailen:

"Her kommer den hattefrelste i en tidligere versjon 1982/83-modell. Nesten samme hatt!! Han var tidlig ute med å etterligne sin far når jeg hastet avgårde til jobben. Hatt brukte jeg kun i noen år rundt konfirmasjonstiden, man skulle jo ha blitt voksen på den tiden i 1955, og hatt var på moten da. Hatten på bildet var altså min hatt noen år, og ble overtatt av Jostein."




Herr Kobbeltvedt junior er altså seg sjølv lik. Og som far, så son.

 

søndag 23. oktober 2011

Spesialleveranse
























Me har besøk frå kontoret i Oslo denne veka, og då vankar det norske aviser. Men brunosten me hadde bestilt, den blei tatt av ein narkohund då Atle Sommerfeldt prøvde å smugle den inn i landet. 

onsdag 19. oktober 2011

Sør-Afrikas Lofoten



Litt som Lofoten, men ikkje heilt. Her er nokre fleire bilder frå helga vår i Kalk Bay.

tirsdag 18. oktober 2011

Kval til frukost

I Kalk Bay kan ein sitte på eit nydleg lite gjestehus, ete god frukost, og sjå på kvalar som leikar seg nede i fjæra. Det har vi gjort i helga.





fredag 14. oktober 2011

Jacaranda season


I desse dagar blomstrar Jacaranda-treet over heile Pretoria. Det er så fint! 
God helg alle saman!

onsdag 12. oktober 2011

Personleg smerte

Ei historie har alltid to sider. På bildene frå Drakensberg ser det kanskje ut som om vi hadde ein grei tur i lett terreng. Men slik var det ikkje. Iallefall ikkje for Herr Kobbeltvedt som har skaffa seg personleg trenar, og som hadde tatt 160 kg i beinpress dagen før.


søndag 9. oktober 2011

Jos i Jozi*



* Jozi - Kortform for Johannesburg, også kalla Jo'burg. 

fredag 7. oktober 2011

God bok: The Classifier

Som husfruer flest, har eg tatt mål av meg å lese mange bøker på fritida (eg har til og med blitt med i ein bokklubb!). Eg synes også det er stor hjelp i å lese sørafrikanske forfattarar for å skjøne meir av landet vi har flytta til. "God bok" skal difor bli ei fast spalte her på bloggen, der eg skriv om afrikanske bøker eg har lest. Kanskje eg kan inspirere nokon til å kjøpe ei bok av ein afrikansk forfattar neste gong de er i ein bokhandel? Det hadde vore fint. 


Fyrst ut:
The Classifier av Wessel Ebersohn
Boka handlar om Chris som vekst opp i Durban på 1970-talet. Faren hans jobbar som "classifier" på raseinndelingskontoret, eit kontor som bestemmer kven som skal få lov til å leve som kvite, og kven som blir plassert i andre kategoriar. Når Chris forelskar seg i ei ei farga jente, skjønar vi raskt at dette kjem til å ende i katastrofe. På den tida var det uloveleg for kvite å innleie forhold til menneske frå andre raser. Og faren til Chris er fast i trua på at ein må oppretthalde rasesystemet for å verne om det kvite mindretalet dei som Afrikaanerar tilhøyrer. Difor må Chris skjule forholdet til Ruthie frå faren. Ein far som han både elskar og fryktar.

The Classifier er godt skrive, og vekslar mellom alvorlege tema og humoristiske skildringar frå ein ung gut sin kvardag. Eg mistenker at boka er ganske sjølvbiografisk, sjølv om Ebersohn insisterar på at den er fiksjon. Ei god bok om rasesystemet sine mange sider er det uansett.

lørdag 1. oktober 2011

Mugg og andre skumle ting

Eg trur det er få folk i verda som et så mykje brød som nordmenn. Vi et brød til både frukost, lunsj og kveldsmat, og av og til også innat middag. Brødet skal helst vere av den grove sorten, og då vi kom til Sør-Afrika byrja vi difor jakta på GROVBRØD.

Den blei enklare enn frykta. Det finns eit par supre bakeri her i Pretoria med kjempegodt brød, men det blir ganske dyrt i lengda. På den lokale Spar-butikken finn du også grovbrød, om du leitar godt. Det ligg gøymt og ferdigoppskjært nedst i ei hylle. Men etter å ha ete det i eit par veker, slutta vi. Det blei rett og slett for skummelt. Brødet myglar nemleg ALDRI.

Skummelt Spar-brød
Mitt brød

Slikt blir eg skremt av. Kva skjuler det seg eigentleg i brød som aldri myglar? Folk her blir skremt av det motsette ser det ut til. For då eit nytt bakeri blei opna for eit par veker sidan, åtvara ein matskribent i avisa Mail&Guardian om at bakeriet berre selde brød som mygla fort.

Som de sikkert har skjønt: Dette innlegget er sjølvsagt berre ein unnskyldning for å skryte av husmorevnene mine. No har eg nemleg begynt å bake brød sjølv. Då får vi det akkurat som kresne nordmenn vil ha det.


tirsdag 27. september 2011

Møt Oscar

Familien Svendseid/Kobbeltvedt har fått eit nytt familiemedlem: Oscar!



Oscar (1) blei funne på gata saman med systera si då han var liten kattunge. Snille mennesker tok han med til ei gammal dame som heiter Avril, som driver organisasjonen CATS' 9 LIVES. Sidan då har Oscar budd heime hos Avril saman med andre forlatne katter.

På søndag var vi og helsa på han, og på mandag henta vi han heim til oss. Fyrst gøymte han seg under eit teppe, men no maler han og utforskar sin nye heim.


mandag 26. september 2011

Følg Mrs Bergit

For dei av dykk som bruker sida bloglovin.com

Follow my blog with Bloglovin



(Resten treng ikkje bry seg om denne posten)

søndag 25. september 2011

Våren er her



... og det er jammen meg jula også. 

Ut i naturen


Etter ankomst til Sør-Afrika har Herr Kobbeltvedt vore på tur til både Cape Town, Durban og ikkje minst Madagaskar. Førre helg var difor målet at også underteikna skulle få sett litt meir av landet vi har flytta til - og at vi skulle få brukt turskoa.

Trykk på videoen under for å bli med oss til Drakensberg!





torsdag 15. september 2011

Ganske snart...

... skal eg fylle denne bloggen med smått og stort frå kvardagen vår i Sør-Afrika!