Viser innlegg med etiketten Tur. Vis alle innlegg
Viser innlegg med etiketten Tur. Vis alle innlegg

torsdag 26. september 2013

BLYDE RIVER CANYON



























Nokre glimt frå langhelg i Blyde River Canyon, vissnok verdas tredje største.
Fleire bilder er å finne på Herr Kobbeltvedt si facebookside.

Og kva er eigentleg ein canyon? Ein guide vi traff forklarte oss det slik:
"Ein canyon er ein dal grav ut av ei elv, og dalsidene må vere minst 1000 meter høge.
Er dei berre 999 meter, er det berre ei elv."

søndag 15. september 2013

VERDAS STØRSTE HOL

(iallefall det største som er grave ut for hand)
fekk eg sjå i Kimberley denne veka.
Slik ser det ut








































og her kan du lese meir om historia bak holet.

mandag 22. april 2013

SWAZILAND

Helgeturen til Swaziland innehaldt sjølvsagt meir enn nærkontakt med nashorn.
Les meir om landet og turen vår på bloggen til Trygve.



mandag 15. april 2013

NÆRE PÅ

På gå-safari kjem ein tettare på både bushen og dyra.
Vi synast det var spanande nok då vi fekk betrakte desse nashorna på kort avstand:



Seinare viste det seg at det er dette som er å kome tett på:

fredag 5. april 2013

PÅSKEFJELLET

Utanom skiføre, kvikklunsj og alt det der,
har Drakensberg det meste ein treng for å stresse ned i påskeferien.



Bilde frå Giant's Castle, Champagne Valley, Monk's Cowl og ein stopp i Clarens på veg heim. 

tirsdag 22. januar 2013

Etiopia

Ei veke i Etiopia er alt for lite,
men likevel nok til å få ein smak av eit land
med nydeleg natur og ei stolt historie
(og ikkje minst - fantastisk kaffe!)


Glimt frå Lalibela, Wanchi Crater Lake og Addis Ababa. 
Meir kjem etterkvart.


fredag 18. januar 2013

(Halve) jorda rundt på (ca) 30 dagar





























Det blei tidenes juleferie med
vennebesøk, eksamen, radiojobbing og jul i Norge,
bryllup og nyttårsfeiring i Thailand,
og ei veke med litt jobb og mange eventyr med vener i Etiopia.

Puh. Godt å vere "heime" igjen i palmegata også. 

mandag 12. november 2012

Frå Volda til Cape Town



























Dei siste vekene har vi hatt storfint besøk, fyrst frå Volda og no frå Oslo. Veldig fint å sjå gode vener igjen, og fint å få  ein grunn til å ta fri frå jobb slik at ein kan klatre opp på Lion's Head for å sjå på solnedgongen.

For mange fleire bilder, sjå facebookalbumet til Herr Kobbeltvedt. 

torsdag 19. april 2012

Tanzania-glimt

Frå Dar es Salaam & Zanzibar.

onsdag 11. april 2012

Zanzibar, hvor er nå det?

Denne veka reiser både herr og fru til Tanzania.
Herr Kobbeltvedt skal på møte, og eg får sjå kva eg finner på.

Ein ting er vertfall sikkert, når møtet er over skal vi til Zanzibar!
Og det er ikkje småtteri for ei drangedalsjente.

Kjem ein frå Drangedal, har ein nemleg vokst opp med spørsmålet
"Zanzibar, hvor er nå det?"
Nå skal eg finne det ut.


tirsdag 10. april 2012

Sani Pass

Vi hadde høyrt om Sani Pass,
grenseovergangen frå Sør-Afrika til Lesotho,
og om kor dårleg og skummel vegen opp dit var.
Difor måtte vi jo prøve. Og kven passa betre å ta med seg
enn fjellgeitene Aasta og Ove?



fredag 6. april 2012

Jakten på påskestemninga [del 1]

Sjølv om det har blitt haust her i Pretoria
er det ikkje lett å få påskestemning
utan skiføre og kalde appelsiner i sekken,
og med skjærtorsdag som vanleg arbeidsdag.

Difor jaktar vi på påskestemninga,
så godt vi kan.




























[del 1] Skiføre i Lesotho:

I Lesotho fann vi
eit par ski (på Afrikas høgastliggande pub)
og snø på toppane i det fjerne. 




mandag 6. februar 2012

Tåkeheimen

- Vi er erfarne fjellfolk, lova vi, og fekk kjentmannen til å teikne opp eit kart over turen opp til Mt Sterkhorn. Planen var å komme seg opp til toppen (2970 moh), litt høgare enn sist vi var i Drakensberg.



onsdag 16. november 2011

I Zambia, på veg til Durban


Ei lita helsing frå Lusaka, hovudstaden i Zambia. Det er travle dagar på karavanetur, ikkje berre fordi vi er med på mange konsertar og stunts, men også fordi vi køyrer så langt. Mange dagar har vi stått opp i fire-fem tida for så å køyre heile dagen til neste by. Eg rekk difor ikkje å blogge noko særleg, men Kirkens Nødhjelp legg ut bilder og artiklar eg skriv på sine heimesider. Les dei her!

søndag 6. november 2011

Vi er i gong!


Eit lite glimt frå dagens lanseringskonsert i Nairobi. I morgo startar turen mot Durban (i seks store safaribussar), og neste stopp er Dar es Salaam.

torsdag 3. november 2011

Den store reisa

Eg har tidlegare klaga over at Herr Kobbeltvedt får reist mykje meir enn meg. Det skal eg ikkje gjere meir. For i morgo reiser eg til Kenya for å vere med på ei reise gjennom Kenya, Tanzania, Malawi, Zambia og Botswana til Sør-Afrika. Saman med 160 ungdommar frå Afrika og Noreg, skal eg vere med på ei klimakaravane som skal gå frå Nairobi til Durban.



onsdag 19. oktober 2011

Sør-Afrikas Lofoten



Litt som Lofoten, men ikkje heilt. Her er nokre fleire bilder frå helga vår i Kalk Bay.

tirsdag 18. oktober 2011

Kval til frukost

I Kalk Bay kan ein sitte på eit nydleg lite gjestehus, ete god frukost, og sjå på kvalar som leikar seg nede i fjæra. Det har vi gjort i helga.





onsdag 12. oktober 2011

Personleg smerte

Ei historie har alltid to sider. På bildene frå Drakensberg ser det kanskje ut som om vi hadde ein grei tur i lett terreng. Men slik var det ikkje. Iallefall ikkje for Herr Kobbeltvedt som har skaffa seg personleg trenar, og som hadde tatt 160 kg i beinpress dagen før.