TUSEN TAKK

Denne veka er det tri år sidan Mr Kobbeltvedt og underteikna gifta oss.
Med på kjøpet fekk eg også veldig fine svigerforeldre, som tydlegvis huskar bryllaupsdagen vår.
Denne enorme buketten kom nemleg på døra på onsdag.
Tusen takk!

EI HISTORIE OM NASHORN - OG ANDRE ARTIGE FOLK

Å reise på safari med denne gjengen fører til mange minneverdige augneblikk

(Halve) jorda rundt på (ca) 30 dagar

Det blei tidenes juleferie med
vennebesøk, eksamen, radiojobbing og jul i Norge,
bryllup og nyttårsfeiring i Thailand,
og ei veke med litt jobb og mange eventyr med vener i Etiopia.

Puh. Godt å vere "heime" igjen i palmegata også. 

Hurra for Aasta!

Feiringa av Aasta sine 70 år starta i dag i Pretoria.
I morgo reiser me alle saman til Cape Town for å feire vidare der.
Gratulerer med dagen mamma og svigermor!

Morsdag

Dei siste to vekene har mamma vore på besøk her i Sør-Afrika. I dag reiser ho heim igjen.
Me er ikkje så fan av morsdagar og slikt i vår familie, men herved utropar eg dagen i dag til vår morsdag!
God tur heim, fine mamma.

Langdistanseomsorg

Ein telefon frå ei hytte på Ulriken, og vips så står det blomster utanfor døra vår i Pretoria. Tusen takk Aasta og Ove, for den finaste overraskinga i går!

Ein mann for sin hatt

Etter å ha sett bilete av sin son i Kalk Bay, sendte Herr Kobbeltvedt senior, Josteins far, denne mailen:

"Her kommer den hattefrelste i en tidligere versjon 1982/83-modell. Nesten samme hatt!! Han var tidlig ute med å etterligne sin far når jeg hastet avgårde til jobben. Hatt brukte jeg kun i noen år rundt konfirmasjonstiden, man skulle jo ha blitt voksen på den tiden i 1955, og hatt var på moten da. Hatten på bildet var altså min hatt noen år, og ble overtatt av Jostein."

Herr Kobbeltvedt junior er altså seg sjølv lik. Og som far, så son.

 

Møt Oscar

Familien Svendseid/Kobbeltvedt har fått eit nytt familiemedlem: Oscar!

Oscar (1) blei funne på gata saman med systera si då han var liten kattunge. Snille mennesker tok han med til ei gammal dame som heiter Avril, som driver organisasjonen CATS' 9 LIVES. Sidan då har Oscar budd heime hos Avril saman med andre forlatne katter.

På søndag var vi og helsa på han, og på mandag henta vi han heim til oss. Fyrst gøymte han seg under eit teppe, men no maler han og utforskar sin nye heim.