onsdag 28. mars 2012
heimekontor FTW?
Herr Kobbeltvedt junior og underteikna deler heimekontor i dag,
medan besøket slappar av mellom ferieslaga.
Å ha heimekontor er litt både og,
særleg om ein har ambisjonar om å få gjort noko.
Vanlegvis må eg kjempe med min eigen (manglande) konsentrasjon,
i dag er det litt meir liv på "kontoret".
For nokre tankar om utfordringane med heimekontor
(og ein liten overlevingsguide),
anbefalar eg denne bloggposten.
tirsdag 27. mars 2012
På verdas talarstol
Innimellom baking, handarbeid og fruelunsjer,
skribla eg før jul på ein rapport for min gamle arbeidsgjevar.
I dag blei rapporten "På verdas talarstol" lansert i Oslo.
Den handlar ungdom si deltaking i FN, og spesielt
om den norske ordninga der ein sender ungdomsdelegatar til FN-møte.
Om nokon har lyst til å lese i rapporten, kan de laste den ned her.
onsdag 21. mars 2012
Human Rights Day
I dag er det Human Rights Day i Sør-Afrika. Fridagen er til minne om Sharpeville masakereren der 69 svarte demonstrantar blei drepne, på denne dagen i 1960. Dei demonstrerte mot loven som tvinga dei til alltid å ha på seg passet, og som gjorde at svarte ikkje kunne bevege seg fritt i sitt eige land. For det opna politiet eld mot dei og skaut dei ned.
Sør-Afrika har i dag ein av verdas beste grunnlover, der menneskerettane står sterkt. Så i dag minnast ein det som skjedde i Sharpeville, men ein feirar også rettane alle innbyggjarar i landet no har fått.
Vertfall på papiret.
tirsdag 20. mars 2012
Hurra for Aasta!
Feiringa av Aasta sine 70 år starta i dag i Pretoria.
I morgo reiser me alle saman til Cape Town for å feire vidare der.
Gratulerer med dagen mamma og svigermor!
I morgo reiser me alle saman til Cape Town for å feire vidare der.
Gratulerer med dagen mamma og svigermor!
lørdag 17. mars 2012
Oscar-show
I kategorien "dyre ting ein ikkje treng"
legg eg no til katteleiker frå butikk.
Alt Oscar treng, er eit blad frå hagen og ei rye.
Så blir det Oscar-show på ein vanleg torsdagskveld.
legg eg no til katteleiker frå butikk.
Alt Oscar treng, er eit blad frå hagen og ei rye.
Så blir det Oscar-show på ein vanleg torsdagskveld.
onsdag 14. mars 2012
Mangosesong!
Mangosesongen må vere ein av dei beste tinga ved å bu i Sør-Afrika.
Særleg når ein får mango rett frå hagen til gode vener som Lindiwe.
Dei fleste åt vi medan mangokjøtet og safta rann nedover haka.
Dei som blei igjen blei til mango-chutney.
søndag 11. mars 2012
fredag 9. mars 2012
Eit godt stykke Norge
Som nordmenn flest i utlandet, blir vi lykkelege over
å få norsk sjokolade når folk kjem på besøk.
å få norsk sjokolade når folk kjem på besøk.
Men no tenkte vi å gje eit hint til framtidige besøkande,
om at vi igrunn har så vi klarer oss.
om at vi igrunn har så vi klarer oss.
| Sjokoladelageret per mars 2012 (inkludert 1,6 kg Anthon Berg som Aurora og Thomas klarte å gløyme igjen i kjøleskåpet) |
Vi skal sei ifrå når vi går tomme, men fram til då er norske aviser heilt ok altså.
tirsdag 6. mars 2012
Kakefest
Kirkens Nødhjelps første kvinnelege generalsekretær er ikkje berre ei flott dame,
ho er også den som starta opp KN-kontoret i Sør-Afrika og leia det fram til i fjor.
Her er kontorgjengen, høge på kake og ganske så stolte.
ho er også den som starta opp KN-kontoret i Sør-Afrika og leia det fram til i fjor.
Her er kontorgjengen, høge på kake og ganske så stolte.
Abonner på:
Innlegg (Atom)


