torsdag 19. september 2013

DET AFRIKA TRENG



Eg har skrive om dei før. Alle dei unge, og ofte høgt utdanna, menneska i Sør-Afrika som ikkje får seg jobb.
Det er røynda ikkje berre her, men i mange afrikanske land.

Det Afrika treng er jobbar, og for å få det, trengs investeringar.

For eit par veker sidan blei denne filmen spela inn i Soweto,
i eit samarbeid mellom kontoret her og kollegaer i Oslo.
Sjå den, og gå gjerne inn på kampanjesida til KN også: http://sendenvekker.no/
Nokon treng ein vekkar. 

søndag 15. september 2013

VERDAS STØRSTE HOL

(iallefall det største som er grave ut for hand)
fekk eg sjå i Kimberley denne veka.
Slik ser det ut








































og her kan du lese meir om historia bak holet.

lørdag 14. september 2013

REGN

Du skjønar du har budd ein stund i Sør-Afrika 
når det ikkje er at gradestokken kryp opp mot 30 grader, 
men heller det fyrste regnet på fleire månadar
som får deg til å skjøne at vinteren er over.

Vi ynskjer regnskyll og torver hjartleg velkomen
- og seier hade til tørt gras, tørr hud og støv overalt. 
Velkomen vår! 



lørdag 31. august 2013

TUSEN TAKK





















Denne veka er det tri år sidan Mr Kobbeltvedt og underteikna gifta oss.
Med på kjøpet fekk eg også veldig fine svigerforeldre, som tydlegvis huskar bryllaupsdagen vår.
Denne enorme buketten kom nemleg på døra på onsdag.
Tusen takk!

tirsdag 27. august 2013

ENDELEG HEIME






























Endeleg er eg tilbake i Pretoria, og etter to år her kjennast det faktisk som heime.

Då eg i slutten av juni satt på jobb i NRK med ein stor klump i halsen og kikka på TV-skjermar som var fulle av nyhender om Mandela si sjukehusinnlegging, hadde eg aldri trudd at han enno skulle vere der når eg kom tilbake.

Søndag kjørte vi innom sjukehuset. Nokre av TV-teama held stand, men alle som venta utanfor har for lengst vendt tilbake til kvardagen. Det skal eg også gjere, i det som blir siste halvår i Sør-Afrika.